السبت، 7 يناير، 2017

طريقة تحضير مكس جريل مشوي - الشيف هاني الجوهري


مكس جريل مشوى 

مقدمه من الشيف هانى الجوهرى


مدة التحضير 45
مدة الطهى 30

طبعا انا اختارت للحمه بتلو عشان الكبار والصغار تكون خفيفه

المقادير

1ك لحمة بتلو للكباب يفضل تكون من منطقة الفخذ عشان دى احسن حتى
1/2 كيلو لحمة ضاني مفرومة للكفتة يفضل تكون نسبة الدهن فيه مش أكتر من 30%
ممكن تعرفى الجزار
1/2 كيلو ريش بتلو
نصف ك شيش طاووق
4 بصل
1 ملعقةبهارات للحمه
معلقه صغيرة فلفل
ربع كوب عصير ليمون
1 كوب عصير ليمون
1علبه ذبادى
زعتر معلقه
روزمارى
ريجانو
2 رغيف عيش نصف سواء

طريقة العمل

ابشري البصل وضيفي ملح وعصير طماطم وكل المكونات اوالمقاديرالموجودة فى الاول 
حطي قطع اللحمة الخاصة بالكباب والريش في مية البصل، وتبليهم بالملح والفلفل، وضيفي معاهم شوية زعتر وعصير طماطم وعصير ليمون وريجانو وغطيه وشيليه في التبريد لمدة 4 ساعات على الأقل علشان تتشرب من التتبيلة
وبعد كدة قطعة الشيش طاووق وبنفس التبيله واضافه عليها الذبادى والروزمارى المفروم معلقه كاتشب
الكفته ضيفى قليل من البصل عليها نسبه صغيرة وذلك عشان تكون متمسكه جيدا مع الفلفل والبهكاتشب
لو فائض كفته اعملي بيها فى العيش المكتوب ويكون زى العرائيس
حطي قطع اللحم (الكباب) في الأسياخ، بس راعي إن عددها يكون قليل، وتكون في منتصف السيخ
صبعي اللحمة كفته على الأسياخ، مع الضغط عليها علشان حجمها يبقى متساوي وتكون قبلها فى الثلاجه عشان تتجمد وليس طريه
حطي أسياخ الكباب مع الريش على الشواية، وسيبيهم لغاية ما يستووا، بس راعي إن كل حاجة منهم ولها توقيت في السوى، فلازم تكوني منتبهة كويس علشان الحاجة ما تنشفش منك، وكمان لما تحطي الكفتة على الشواية سيبيها لمدة دقيقتين، وبعد كده أقلبيها على الجنب التاني، علشان تتماسك كويس وما تفكش من السيخ، وعند التقديم
والفراخ الشيش نفس الموضوع والتسويه بردو تكون على الاجانب
ممكن تقدم مع بصل مشوية وسلطة بلدى او طحينه او زبادى حسب الاختيار

سلاط روكه
سلطه سهلا وبسيط
وفيها قيمه غذائيه عليه جدا
المقادير
خس كابوتش او بلدى
جرجير
100 جرام جبنه موزريلا
50 جرام مكسرات حسب الاختيار
ربع كوب عصير برتقال فريش
2 معلقه زيت زيتون
5 حبه مشروم فريش
3 معلقه مايونيز
ملح +فلفل ابيض

طريقه العمل

نجيب خس كابوتش مع جرجير ومشروم شرائح مع مكسرات مع عيش توست مكعبات ونضيف زيت زيتون مع ملح خفيف وفلفل ابيض وعصير برتقال فريش ويقلب جيدا ونضيف عليه بعض من المايونيز الخفيف كما هو واضح فى الصورة
تحياتى ليكم الشيف هانى الجوهرى